تجربتي لصابونية مزيونه وشقرا مع اضافاتي.. 🌻

مرحبا اصدقائي.. 🦢

قبل فتره وعدت وحده من متابعاتي انزل صابونية مزيونه وشقرا مع اضافاتي وتعديلاتي.. كان الوقت ضيق قلت استغل انزلها الحين قبل م تخلص.
في البدايه الصابونيه بالرغم من أنها فضيعه الا انها تجفف البشره مرره “يعني ضروري الترطيب” اذا بتتكاسلين ترطبين الافضل م تفكرين تستعملينها.
ثاني شي اضافات الصابونيه انتي تحكمي فيها واضيفي اللي يناسبك وشيلي اللي ما يناسبك.
الصابونيه هذي بالذات استعملها من ايام المنتديات “قبل اكثر من ١٠ سنوات” وكل مره ارجع لها مع اختلاف بسيط في انواع الصابونات.. يعني انصح فيها بقوه ونتيجتها سريعه وبتلاحظين الفرق الكبير بعد ما تخلصين الكميه اللي سويتيها.

✨فوائد الصابونيه واللي لاحظته بعد استعمالها:
🧼تجفف حبوب الظهر الدهنيه.
🧼تعالج الحبوب الصغيره اللي في اليد والساق والفخذ.
🧼تشيل اثار الشمس
🧼تفتح من درجتين الى ٤ درجات
🧼تعطي نظاره وملمس مخملي للبشره
🧼”اذا بشرة وجهك ما تتحسس استمليها مرتين الى ٣مرات في الاسبوع”
🧼ممكن تعالج التصبغات العنيده اذا اضفتيها لروتين عنايه متكامل.
🧼تعالج اثار الحبوب الجروح البسيطه.

✨مكونات الصابونيه الأصليه:
📍صابونة الغار
📍صابونة الكركم
📍صابونية البابايا
📍الصابونه السحريه “استبدلتها بصابونة الحليب او الصابونه الافريقيه”
📍سفيد اب
📍كركم
📍نشا
📍ملح
📍ماء ورد
💎اضافاتي:
📍حنا بيضا
📍لبان ذكر
📍صمغ عربي مطحون
📍عرقسوس

✨طريقة الصابونيه:
ناخذ علبة ماء ورد نسخنها ونضيف عليها ملعقتين عرق سوس ونتركها ليله كامله بعدين نصفيها.
نبشر كل الصابونات ونتركها على جنب.
في قدر نحط ماء الورد وملعقه من البودرات عدا النشا… نتركها ع النار تغلي مع التحريك لحد م تحسي اللبان الذكر قرب يذوب.
نضيف الصابونات المبشوره مع التحريك لحد م نتأكد انه ذاب معانا تماماً “اضيف علبتين ماء ورد بالتدريج عشان تكون معاي شبه كريميه”
بعد م نطفي عليها النار نضيف ملعقة نشا ونحركها بسرعه.
نوزعها في علب معقمه وتنحفظ بدرجة حرارة الغرفه.
عند الاستعمال خذي منها بملعقه عشان م تعفن معاك وتأكدي م يوصلها مويه.
بعد م توزعيها اتركيها من دقيقتين الى٥ دقايق واشطفيها وضروري الترطيب.

هذا افضل مرطب جربته:

هنــــا

احب احطها داخل هالليفه واستعملها.. اضمن تعطيني رغوه اكثر وتتوزع بسهوله.

اضيفي اي نوع اعشاب يناسبك “حنا، شاي اخضر، كركديه، نيله، رز مطحون، ترمس مر” 🌿
.
.
تأكدي ما تتحسسي من أي مكون من مكونات الصابونيه.

هذي تجربتي وطريقتي للصابونيه يارب تعجبكم زي م عجبتني ♥️