مجموعة التبييض المثالية من كرست بياض 3D…
مرحبا أصدقائي..🌻
(فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ)..🌱
اليوم بتكلم عن مجموعة التبييض المثالية من كرست بياض 3D لتبييض الأسنان…
المجموعة تتكون من خطوتين:
الخطوة الأولى معجون التبييض المثالي.
الخطوة الثانية مسرع التبييض.
ف البداية كنت ادور معجون تبييض يكون خفيف ع الأسنان لأن اسناني شوي حساسة وأنا مدمنة قهوه وشاهي يعني احتاج معجون تبييض..
من خلال رحلة البحث طحت على تغريدة في تويتر تتكلم عن تجربتها مع المجموعه وطبقت طريقتها بالضبط…
طريقة الاستعمال:
الخطوه الأولى كان استعمال يومي “مرتين ف اليوم”.. والخطوه الثانيه مره أو مرتين ف الأسبوع.
مدة التجربه:
٤ شهور تقريباً.
الإيجابيات والنتيجه:
اسناني صارت بيضا وأحسها نظيفه من قلب… جد جد صارت صف لؤلؤ…
لما اقول بيضا مو يعني البياض الأزرق المزعج بالعكس البياض النظيف الحلو..
السلبيات:
بعد ٤ شهور صارت لثتي حساسه جداً جداً لدرجة وأنا اسولف تنزف..وقفته بسرعه ورحت لدكتوره قالت لي مافي سبب واضح وصرفت لي معجون اسنان ومضمضه تخفف التحسس والنزيف…وبعد معاناة سنه وقف النزيف ورجعت لثتي طبيعيه.
وقفت أي معجون اسنان للتبييض واكتفيت بسنسوداين والمضمضه بزيت الزيتون..
وصلنا لآخر التدوينة يارب تكونو استفدتو من تجربتي..♥️