تجربتي لتونر الصمغ واللبان..✨🌸

مرحبا أصدقائي..🌻

.

.

{رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي} 🌱

.

تدوينة اليوم بتكلم فيها عن تجربتي مع تونر الصمغ العربي واللبان الذكر على طريقة الأستاذه كنوز…..

.

🔸اول شي مكونات التونر:

ملعقه صغيره صمغ عربي مغسول ومطحون.

ملعقه صغيره لبان ذكر مغسول ونظيف مو مطحون

ربع كوب ماء زهر أو ماء ورد…”جربت الإثنين”

بالنسبه لي خففته بشوية موية شرب.

.

حطي المكونات مع بعض واتركيها كم يوم مع التحريك المستمر.. بعدين صفيها وحطيها ف علبة بخاخ وعند الاستعمال رجيها عشان ما ينسد البخاخ..واحفظيها ف الثلاجة لمدة ٣ شهور…

.

.

🔸طريقتي لإستخدام التونر:

بعد الماسك لأنه يقفل المسام.

قبل الميك أب لأنه يجفف الدهون.

قبل النوم وقبل المرطب.

بديل واقي الشمس.

بعد م انظف بشرتي سواء بعد الماسك أو بعد الغسول ارش كميه مناسبه على بشرتي واتركه ينشف بعدين ارطب.

.

🔸النتيجه اللي شفتها من التونر:

خفف لي افراز الدهون المفرط للبشره.

تخفيف التصبغات بدرجه كبيره.. زي اثار الحبوب.

شد البشره.

شد المسام اللي على الخدود.

نظاره وصفاء للبشره.

تنشيف الحبوب الدهنيه.

خفف لي من تهيجات البشره اللي تجي مع تغيرات الجو.

وأهم شي لاحظته.. تعرفون الحبوب البيضا الصغيره اللي تكون تحت الجلد ومهما حاولتي تعالجينها م تروح؟؟

بالضبط كانت عندي اعلى خدي اليمين وتتهيج مع النقاب ومهما استعملت ماسكات م تروح واذا حاولت انظفها توجع لأنها تحت الجلد بس بارزه… الطريقه الوحيده اللي راحت فيها بعد استعمال التونر بكم يوم.. اختفت نهائي وللحين م رجعت الحمدلله.

.

.

بالنسبه لي استعمله اكثر من مره ف اليوم..

.

الشي السلبي الوحيد فيه شعوره ع البشره شوي مزعج بسبب اللبان الذكر بس مع الترطيب يختفي..

.

حفظته في علبة ماء الورد اسهل لي ف الاستعمال..

.

هذي تدوينة اليوم.. شاركوني طريقة التونر المفضله لكم؟♥️

.

.

.